«Мен оқыған 10 кітап» — мектебімізде жаңа акция!
Ұлттық кітап күні аясында еліміз бойынша жарияланған «Мен оқыған 10 кітап» республикалық акциясына біздің мектеп кітапханасы да белсене үн қосты!
Акцияның алғашқы қатысушыларының бірі — кітапханамыздың тұрақты оқырманы, тәжірибелі ұстаз, қазақ тілі мен әдебиеті пәнінің мұғалімі Жанар Ақылова.
Ұстазымыз өзінің соңғы уақытта оқыған ең таңдаулы 10 кітабымен бөлісіп, оқырмандар назарын ерекше аударды. Әсіресе, қазақ әдебиетінің классигі Мұхтар Әуезовтың «Қорғансыздың күні» шығармасына терең тоқталып, туындының тәрбиелік мәні мен көркемдік құндылығын атап өтті.
Акция мақсаты: Қоғамда, әсіресе жастар арасында жаппай кітап оқу үрдісін арттыру және рухани кемелденуге жол ашу.
Сіз соңғы рет қандай кітап оқыдыңыз? Эстафетаны іліп әкетіңіз!